الشاعر / أحمد الخضيري
البيت متهالك كشف كل مستور
كن الزوايا يشتكيلي حجرها
لعل صدري لامن عناالغبن ماجور
راحت وباقي بعضها ينتظرها
اللي لقيته شي في بيت مهجور
خاتم عقيق وخصلت ٍ من شعرها
واللي بقى ذكرى لبرواز مكسور
برواز فوقه طين يمحي اثرها
لكن على الجدران جمله بطبشور
مضمونها يعني اذا بختصرها
لو رجعة الايام بالكيف والشور
كان احتزمنا قبل ياتي خبرها
من اخر العالم الى داخل السور
ارضٍ يبس نبت ٍ بهامع شجرها
ما جيت بالعاني ولاجيت مجبور
انثر دموعي يوم شوقي امرها
جابتني الذكرى لها عدة اشهور
يوم الليالي بي كثيرٍ سفرها
غرقت بي ابحورٍ وجدفت ببحور
واتجنب الزلات واعرف خطرها
وتتلاطم الامواج وافكاري اتثور
وثارة قريحة شعري وذا ثمرها
الفـكر والهـوجاس والقلب مـذعور
هـذا قضاء الله وهـذا قدرها
الليـل يسري والكـواكب لها دور
ياساريه شـوفي كفٌنها اسـرها
المــوت ياتي افلان وفلان بالـدور
منجَــر بالفرقى تجـرّع كدرها
ايه اكتبي في صفحةٍ ما بها اسطور
(ابحرت فالبحر ينما بيدررها)
(انافقدت الليل عين يهي النور)
( منبعدها الايام فيني ضررها )
وضحت مافيني وانا الحين معذور
كل المشاعر بي تعبت اختبرها
فقدانها بنج لي احساس و شعور
ونوم الليالي هو شبيه لسهرها
اشبه شجر واقف وهو ميت اجذور
ما حس بـ اغصانه اذا احدن بترها
المحتوى أعلاه تم نشره عبر حسابات المجلة ادناه تفضلوا بالمتابعة :
تويتر :
https://twitter.com/shababeks_1
فيسبوك :
https://m.facebook.com/138707346321569/photos/a.138711732987797/440611296131171/?type=3&source=44&refid=17
قناة شبابيك :
https://www.youtube.com/user/shababeks

