شعر: ضيف الله السميري
ياملهِمه كل مافيني معاذير
حطي من العذر نفسك في محلّي
ان كان شفتي وفاي اليوم تقصير
الحين انا جيت عذر وجيت كلّي
لو تثني الغصن جنحان العصافير
ماينثني مع ميول الشمس ظلّي
وانتي بداية غرام وفاتحة خير
وانتي صباحٍ على الكل مْتجلّي
نوره مساحات وآمال وتباشير
وطيوره ارزاق وانسامه تهلي
عندك من الرحب مايملا سما الطير
لو ان قلبه من البعد متدلي
وانا بدونك كسير وخاطري غير
واطلالتي في غيابك ماهي باللّي
